مؤمن
Admin
عدد المساهمات : 6624
تاريخ التسجيل : 22/08/2010
العمر : 33
الموقع : دمياط -عروس النيل-
 | | موضوع: يا بنتي مش دلوقتي !! إنتي لسه صغيرة !! الخميس فبراير 16, 2012 10:47 am | |
| [b][b] [/b][/b]
( في التليفون )
هاى ..ازيك يا حبى؟ اخبارك ايه يا سحر ؟؟
الحمد لله يا صافى... مش يلا بقى عشان منتأخرش ..
دانا هشترى طقم للجامعة مش لاى حاجة .. دى الجامعععة !!
طب اوكى .. نازللك فوراً يا حبي ..
[size=25] [/size]
( في المول )
ماما مصرة انى اجيب جيب وماشتريش بنطلون عشان الحجاب ...عايزانى البس زى شوشو بنت خالتى
وماله عندها حق ...تعالى بصى كدة..ايه ده ! ..الجيب البمبا الفاقع دى خرافة ..روعة ..اوريجينال..ادخلى كدة البروفة
حلوة؟ بس حاسة انها محتاجة تضيق شوية
تضيق ليه؟ انتى مقاسك 42 ودى 40
لا منا وزنى قل ربع كيلو!!!
اااااااااااااااااااااااااااه يبقى عندك حق ...شوفى الاصغر
ايوة هجيب الاصغر ..هو اه هعرف امشى بيها وهخاف اقعد لالسوستة تتفتح بس هتبقى اشيك ..وتبقى زى بتاعة شوشو بالظبط
----
اوكى يلا بقى نشوف حاجة تمشى معاها
بصى كدة البادى الاحمر الفازع دا جميل اوى ..شوفيه ويبقى توب لبلوزة نشتريها
فعلا حلو اوى... بس توب ايه؟ وبلوزة ايه؟ هو الطقم كدة يبقى خلص
هيبقى عليا خطير..شوشو هتتبسط منه اوى ويمكن تنزل تشترى زيه من جماله
مدام انتى شايفة كدة خلاص؟؟ تعالى بقى ننقى اشارب
ااااه تصدقى كنت هنسى ..دايما بنسى الاشارب مش عارفة ليه؟
ولا يهمك... بصى! الاشارب دا جميل ويمشى مع الطقم كويس اوى
ايوة هو يمشى بس كبير اوى !!
كبير؟ ايه يا حبيبتى دا يا دوب متر ؟!!!
ايوة كبير ..
بصى ! دا حلو؟
هو حلو ..بس دا طوييييل اوى ...هتعمليه ازاى؟
دى الموضة ..هيتلف على الشعر ونبين الاذن والحلق لازم يبان! وبعدين نعمله كورة ورا على الكحكة ونسيب الباقى نعمله ضفيرة
هههههه ... ماتزعليش منى بتفكرينى بالربطة بتاع الشغالة بتاعتنا لما تيجى تنضف
ايه الخفة دى.. دى الموضة.. شوشو هى اللى معلمانى
خلاص ياستى ماتزعليش وايه حكاية شوشو اللى انتى بتقلديها فى كل حاجة ده مش معقول انا زهقت منها
وانتى مالك ؟؟ بنت خالتى وبحبها وباحب اعمل زيها فى كل حاجة
...طب المهم تعالى بقى نشوف السابو .. عشان ماننساش حاجة
سابو ايه؟ انا عايزة سابو مفتوح!!
على راحتك.. بصى دا كدة
لالا دا احلى؟
احلى فى ايه؟ هو فيه حاجة؟ دا كله سلاسل وكمان دا يعمل صوت وانتى ماشية
حلو وايه يعنى .. انتى مالكيش دعوة ..دا جميل ..شوشو كانت جايبة زيه من شهرين
يييييه يادى شوشو اللى مش هنخلص منها
يووووه شوفتى كنا هننسى نشترى فردة حلق بخرز
فردة حلق بخرز ليه؟
عشان اعلقها فى الاشرب وتشخلل وانا ماشية
ايوة بس دا يعمل صوت وبيتهيقلى حرام تلفتى النظر
هس هس بطلى الفتاوى العقد بتاعتك دى
يآآآآآآآآآآآآآآآه اخيرا اشترينا الطقم ..ولو انه بصراحة مش مريحنى
ليه بقى ...ايوه ايوه انتى اصلك مزوداها اوى وغاوية تفتى
ايوة طبعا ..الاحترام والاحتشام والتدين واجب.. مش تقوليلى شوشو؟؟
فى ايه مش مريحك بقى فى طقمى ياستى؟؟
ياحبيبتى الجيب كانت لازم يكون اوسع واطول من كدة شوية زى بتاعى دا
شايفة؟ بعرف اقعد وامشى ..
ايوة بس دا شانيل ..ولا انا ولا شوشو بنحب الشانيل
ايوة هى كانت بتضايقنى شوية فى المشى بس فقصرتها شوية وخليتها شانيل!
نيجى بقى للبادى ..
الصراحة مكنش ينفع تشتري بدي ..
امال كنت عايزانى اشترى ايه؟
كان نفسي نشتري لبس واسع يرضي يربنا ..
لالالا انتى مزوداها اوى ..
واظن الاشارب كمان هتقولى بتاع الشغالة مش كدة؟
والله شوشو لو سمعتك هتزعل اوى وهتقول عليكي متطرفة !!
الاشارب بقى..المفروض تجيبى اشارب يغطى الرقبة ومنطقة الصدر ..زى دا شايفة؟
بس انا حاسة انه هيخنقني..
انا افتكرت ان عندك اللوز ولابساه عشان اللوز تعباكى
لا بطلى خفة..
بصي بقى .. احنا لسه صغيرين ولازم نعيش سننا ...!!
سيبك بقى من حلال وحرام ومن الكلام دا.. انا عايزة اغسل وشى بشوية مايه من الحر ..نروح فين؟ تعالى تعالى ندخل المسجد دا
اوكى
[size=25][/size]
المايه كانت حلوة ..تعالى نطلع ونروح بسرعة بقى عشان زمانهم هيقلقوا علينا
ماشى ..بس انتى خدتى بالك من الكلام اللى كانت بتقوله طنط فى المسجد
اه خدت بالى..هى كانت بتتكلم عن الحجاب باين ..مش كدة؟
اه كانت بتقول الحجاب الشرعى تغطية الجسد كله
وفى علماء قالوا ماعدا الوجه والكفين ونغطيه بما لا يشف ولا يصف يعنى كمان
نلبس شراب ومش عادى زى ماكنت فاكرة؟... وقالت آيه قرآنية كدة..خوفت منها
اوى.. فاكراها؟
اه انا كنت حافظاها فى ابتدائى بس مش كلها..كانت بتقول
((وقل للمؤمنات
يغضضن من ابصارهن ويحفظن فروجهن ولا يبدين زينتهن الا ما ظهر منها وليضربن
بخمرهن على جيوبهن ولايبدين زينتهن الا لبعولتهن او ءابآئهن))...
مش فاكره بقيتها
طيب انتى خوفتى زى ماخوفت
لا انا اصلى ناوية لما اكبر هاعمل كدة وهالبس خمار ونقاب كمان
بس مش دلقوتي خاااااااااااااالص !!
انسي بقى !!
لالا انا خايفة اوى
ماتخافيش ربنا بيغفر..انسى بقى
طب يلا بينا ..نلحق المترو
[size=25][/size]
( وفي المترو)
.
.بصى مكتوب ايه فى الورقة الملزوقة دى؟
(يا نفس متى تتوبى)
انا حاسة انى مخنوقة اوى.. هو فى ايه النهاردة؟
يا بنتى انتى مخنوقة وخايفة ليه؟ يعنى هى اللى لزقاها قاصدة انك انتى اللى هتقريها يا شيخة الخروج مع شوشو ارحم بكتير
..مش بتنكد عليا زيك.
لا هى مش قاصدة.. بس ربنا أراد ندخل المسجد ونسمع اللى سمعناه وهو اللى أراد ان احنا اللى نقرا الورقة دى دلوقتى..انتى مش خايفة
قلبك ابيض .. ان الله غفور رحيم
لالا انا خايفة لاموت .. و ولا نكبر ونلبس خمار ولا نقاب .. ومش عارفة ساعتها هنقول لربنا إيه ؟؟!!!!!!!!
يا بنتى ليه الفال الوحش دا ؟؟!!
لالا انا اول ماروح هارمى كل اللبس اللى عندى واشترى لبس جديد
اسلامى زى ماسمعنا فى المسجد
ماهو لبسك محترم ومحتشم زى ماقلتى وزي الفل
لا انا كنت باقول ببرر لنفسى لكن بعد ما ربنا
جعلنا ندخل المسجد ونقرا الورقة حاسة ربنا بيبلغنا رسايل ويا نعمل بيها يا
منعملش واحنا اللى هنجنى فى الاخر
بقولك ايه.. ماتخوفنيش بكلامك دا ...انتى قلقتينى اوى
طب خلاص هسكت .. بس ارجوكى فكرى النهاردة فى الكلام دا ..
وردى عليا بكرة .. يمكن تعرفى تنسينى الخوف دا
[size=25][/size]
( وفي صباح اليوم التالي )
آلو..ايوة يا سحر ..بتتصلى الصبح بدرى كدة ليه؟
تعالى ننزل نرجع الطقم اللى اشتريناه امبارح ..ونجيب لبس اسلامى
ليه؟ ومال صوتك زى ماتكونى بتعطيى كدة ليه؟
فاكرة امبارح لما قولتيلى ربنا بيبلغنا رسالة لما دخلنا المسجد
وبيبلغنا رسالة لما قرينا الورقة اللى فى المترو..وانا بقولك انسى؟
اه فاكرة ولسة خايفة لغاية دلوقتى وقررت البس
لبس اسلامى على طول ورميت كل لبسى امبارح لما رجعت..بس المهم ..انتى عايزة
تقولى ايه بكلامك دا؟
شوشو ماتت امبارح يا صافى !!!!
و دى تالت رسالة ربنا بيبلغهالنا..
خلاص توبنا اليك يارب !!!!
[size=25][/size]
يا ترى يا بنات لازم نستنى يموت حد عزيز علينا علشان دى تبقى انذار لينا علشان نهتدى ونرجع لربنا ؟؟
يا ترى يا اختي مستنية تبقي مكان "شوشو" وتموتي وربنا غضبان عليكي وإنتي لسه متوبتيش ؟؟
اقفي مع نفسك وأسأليها وفووووقي قبل ما تندمي في يوم مش هينفع فيه الندم !
ياللا خدي القرار من دلوقتي وغيري لبسك وحياتك كلها للصح ،
علشان ربنا يرضى عنك ..
----------
منقول
من احلى حياة فى طاعة الله | |
|
