شوية صراحة .............بقلمى

من الجميل أن تعرف الحقيقة والأجمل أن تستطيع أن تدافع عنها
ولكن عندما تعرف الحقيقة ولكن لا تستطيع أن تدافع عنها ربما تندم لانك عرفتها

لذلك أنا أود أن نتكلم عن أمور فى حياتنا ولكن بكل صراحة
نتكلم عن كل شىء

نتكلم عن الافكار لانها غالبا تتحول الى أفعال
ونتكلم عن الافعال لانها غالبا تتحول الى عادات
ونتكلم عن العادات لانها غالبا تتحول الى طباع
ونتكلم عن الطباع لانها هى التى تحدد مصيرنا

قالوا فى المثل (الجعان بيحلم بسوق العيش)والحقيقة هنا ان احنا جعانين لكن لا نحلم بسوق العيش
عارفين جعانين ايــــــــــــــــــــــــــــــــــــــــــــــــه
جعانين تقدم...وعلم......وثقافة.......وأخلاق.........والدين الذى يشمل كل هذا
جعانين تفكير وشجاعة وصدق فى قول الحق

احنا دلوقتى بنقول على البخيل حريص
وعلى الجبان طيب وفى حاله
وعلى الشجاع متهور
وعلى المتدين ارهابى ومتطرف
وعلى اللى بيحب وطنه عبيط

وخدنا البلد بذنب ناس .....هى بريئة منهم ونسينا ان البلد دى هى اللى اتذكرت فى القرآن وذكرها الرسول (ص) فى أحاديثه ومن بعده العلماء والفقهاء
وعلى طول نقول البلد متخلفة واحنا من دول العالم التالت ومعندناش ثقافة ولا تقدم .ولا....ولا......
عارفين العقل الباطن بيعيشك فى الوضع اللى انته حسه فلو الفاشل حس انه ناجح عقله هيحركه عشان يعمل وينجح..........

احنا دلوقتى بنشوف الغنى بيه وبنعجب بيه أوى مع ان _سبحان الله_ عارفين ان غناه ده لنفسه وعمر فلوسه ما هتكون فلوسنا ....بتعجبنا عربيته وبدلته مع ان برده عربيته هو اللى بيركبها وبدلته هو اللى بيلبسها ......

أيوه أنا عارف ان ممكن نكون نقصد ان احنا نبقى زيه.........لكن مين اللى بيعمل عشان يبقى زيه
ولو عايزين نبقى زيه ليه بقى هو بيهمنا زيادة عن الازم المفروض نركز فى الخطوات الايجابية اللى فى ايدينا احنا ولا فضل لاعرابى على أعجمى الا بالتقوى

الموضوع فى كلام كتير وأنا شايل كلام أكتر لكن أنا مبحبش المواضيع الطويله خصوصا ان الكلام مفيش منه فايده من غير عمل.....عايزين نعمل حاجة بجد مش كلام وخلاص وكفايانا كلام

الصين محدش كان يسمع عنها ودلوقتى بقيت من أولى دول العالم فى الصناعة .واليابان وكوريا اللى أطلقوا عليهم لقب النمور الاسيوية تمثيلا لهم بالقفزة الاقتصاديه اللى عملوها فى فترة وجيزة

أنا عارف ان ظروفنا صعبة ومش عارفين نعمل ايه وان الحكومة مش مساعدنا لانه برده لازم تدينا قفزة للامام ونكمل احنا بعدها لاننا عاملين زى العربية اللى محتاجة حد يزقها
وعارف كذلك ان التعليم معلمناش ازاى نفكر بايجابية ...لكن اللى أعرفة ان كل واحد بيقرأ الموضوع ده يبقى عايش وقلبه ينبض ونفسه يدخل ويخرج وعقله بيفكر

وأكيد هو مثلى يحلم باليوم اللى نوصل فيه للمجد مش يوصل هو لوحد لا يبقى حلمنا جماعى مش شخصى

ولكن لازم تعرف
لا تحسبن المجد تمرا أنت آكله .....لن تبلغ المجد حتى تلعق الصبرا

[ندعوك للتسجيل في المنتدى أو التعريف بنفسك لمعاينة هذه الصورة]

إيه دا بئى

ايه كل الصراحه دى
[ندعوك للتسجيل في المنتدى أو التعريف بنفسك لمعاينة هذه الصورة]
أصبت كبد الحقيقه ولم تخطا
ولكن هيا كلمات دائما ارددها

ابدأ بنفســـــى
وادعو غيرى

النصح دائما يلزمه القدوه الححسنه
والقدوه الحسنه غير معين للتغيير

ربنا يصلح الآحوال يارب

والى الامام ان شاء الله

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

جميل جدا يا باشمهنسد

كلامك أصاب عين الحقيقه ورآسها وكبدها

للآسف يا باشمهندس لقد أصبحنا فى ذيا الامم

بعد ان كنا نقود العالم

ولكنا باذن الله سنعود

((كنتم خير امه أخرجت للناس تأمرون بالمعروف وتنهون فى المنكر وتؤمنون بالله ))

باذن الله سيعود الاسلام وسيود العالم كما كان

وعلى فكره انته بتقرا للدكتور انس الفقى كتير ما شاء الله هو انسان مميز كلامك جميل جدا
جزاك الله خير قلم مميز جدا مثل صاحبه ولكن أعتب عليك للكتابه -ص- هكذا اكتبها كلمه -صلى الله عليه وسلم حتى تأخذ ألاجر والثواب كاملا وفى انتظار ما يفيض به قلمك علينا

شكرا طبعا على التعليق
شكرا ليكى يا ساره أنتى ومؤمن

بس على فكره يا مؤمن أنا عمرى ما قرأت لأنس الفقى لكن ان شاء الله هقرأه له مادام أنت بتقول ان كتاباته جميله

لكن أنا بقرأ لناس تانين كتير أمثال عالم الازهر الجليل محمد الغزالى والدكتور محمد العريفى والدكتور عائض القرنى الدكتور ابراهيم الفقى

وشكرا كمان مره وان شاء الله هحاول أقرأ حاجة للدكتور انس الفقى

ايــــــــــــــــــــــــه الجمال ده

بجد كتابتك جميلة جدا

استمـــــــــــــــــــــــــــــــر [ندعوك للتسجيل في المنتدى أو التعريف بنفسك لمعاينة هذه الصورة]

بصراحة مش عارف اقول ايه بعد اللى انت قلته

احنا فعلا محتاجين وعايزين نتغير

بس للأسف معندناش الطموح ولا الإرادة عاشان نبدا

حتى ولو بدأنا معندناش العزيمة والمثابرة ان احنا نواصل

لكن يبقى الأمل ما دامت الحياة

محتاج عزيمة وتشجيع علشان نقدر نبدأ ونواصل

وربنا يسهل ويصلح الحوال ان شاء الله

أنا بيعجبنى جدا كلامك يا محمد

شكرا ليك على مرورك

[ندعوك للتسجيل في المنتدى أو التعريف بنفسك لمعاينة هذه الصورة]

» ورده ذابــــــــ ـــــ ـــــلــه.. /بقلمى
» حبيبة رسول الله -صلى الله عليه وسلم-....حصان رزان ما تذم بريبة...بقلمى