مؤمن
Admin
عدد المساهمات : 6624
تاريخ التسجيل : 22/08/2010
العمر : 33
الموقع : دمياط -عروس النيل-
 | |
مؤمن
Admin
عدد المساهمات : 6624
تاريخ التسجيل : 22/08/2010
العمر : 33
الموقع : دمياط -عروس النيل-
| | موضوع: رد: هل النت او المنتدى ممكن يتسبب في جنون أحد الأعضاء ؟!! الأحد سبتمبر 26, 2010 8:39 am | |
| [size=21]اذا قاعد ع النت لييييييييه ؟؟
اهم حاجة واول حاجة .. انت قاعد ليه ؟؟ .. بتعمل ايه ؟؟
بتقرأ معلومات جديدة
شغال في موقع اسلامي ؟؟؟
تعمل في الدعوة ؟؟
بتكون صداقات جديدة ؟؟
طب صحبة صالحة ولا ؟!!!
ليك صدقة جارية على النت ؟؟؟
نسأل الله لك صلاح الحال ......
طب ممكن سؤال :
ماما طفت النور ...... اخواتى ناموا ...... والدى نام من زمااان علشان رايح الشغل
وانا قاعد ع النت (( كالعادة))
هل هتفرق كتير لما تقعد في وسط أهلك ؟؟ او تقعد لوحدك ؟؟
همممممم ...
هل ممكن تفتح موقع اباحي .. ؟
انا ......... لا طبعاااااااااا
انت متأكدة ؟؟
ايوة طبعا انت بتحكي في ايييييييه ؟!!
طب بلاش انت تفتحه بارادتك ... هو اتفتح غصب عنك ..
هل هتشوف فيه ايه ؟؟ .. حب استطلاع ؟؟
لا طبعااااا هقفل على طول
بس ده لو اهلك قاعدين .. طب لو نايمين وانت لوحدك ؟؟
........
((( وقل للمؤمنات يغضضن من أبصارهن ويحفظن فروجهن ... )))
مين اللى بيقول كدة ؟؟؟
ربنا جل وعلاااااااااا
بيكلم مين ؟؟
انت!!!
اوعى تستهون ... ده كلام خطييييير .. ممكن اوى الشيطان يوقعك ..
بس انا ملتزم ..
للاسف الفتن لا تعرف كبير ولا صغير .. ملتزم او غير ملتزم
* اوعى تقول انا داخل موقع كذا علشان ابعت تقرير سئ عنه علشان يتقفل وتتفتن
* اوعى حد يبعت لك فيديو اسلامي جمييييل من موقع زي يو تيوب تتفرجي عليه واعلان يشدك تفتحه
سواء اغنية .. فيلم ... مناظر وحشة .. كفاية كدة ....
* لا تقل للدهر خلوت يوما ولكن قل عليا رقيييييييييييييييييييب
* خلى الكلمة دي ادام عينيك اووووى
* واتقي الله
* واعرف كويس اوى ان اى اغنية تشوفي اعلانها فيلم كذا او كذا شوفت الاعلان ومافتحتيهوش ليك اجر عظييييم باذن الله
ولو فتحته ... معاذ الله ... العكس .!!
من الآن ...... اى معصية في السر كنت بعملها .. او عملتها في مرة .. بارادتى او بغير ارادتى
اتوب الآاااان وفوراااا لعلى لن اكمل الموضوع اصلا
**********
[/size] | |
|
مؤمن
Admin
عدد المساهمات : 6624
تاريخ التسجيل : 22/08/2010
العمر : 33
الموقع : دمياط -عروس النيل-
| | موضوع: رد: هل النت او المنتدى ممكن يتسبب في جنون أحد الأعضاء ؟!! الأحد سبتمبر 26, 2010 8:39 am | |
| الحلقة الثانية :: أسأل مجررررب
ازاى اوفق بين دراستى والنت ؟؟
بعد ما اتكلمنا عن انا بقضي اصلا وقتى في ايه على النت
وتبنا من اى ذنب كنا بنعمله ع النت
وعزمنا على عدم العودة واننا نستخدمه صــــح ..
نيجي لنقطة انا عندي دراسة
بكرة امتحان الميد تيرم
في شيت لازم يتقدم بكرة
تخيلي انهاردة امتحان العملى !
الاسبوع الجاي آخر معاد لتسليم البحث
!!!!!
كفااااااااية ..
بس تفتكروا هيهمني ؟؟
بردو هقعد ع النت ..
ماهو ده شغل وده شغل .. بس ده جاى على هوايا
نقف هنا ونقولك sto0Op
في 3 حاجات مهمين جدااا ::
تحديد الهدف / ترتيب الأولويات / تنظيم الوقت صح
الحلقة دي هنتكلم عن أول نقطة ..
ايه هي ؟؟؟؟
تحديد الهدف والجزء الأول من ترتيب الأولويات ..
لازم ارتب أولوياتي .
مين اولويات دي .. ؟!!!
أولوياتى بمعنى .. الأهم فالمهم فالأقل أهمية
زي ما عرفت انا بقعد ع النت ليه .. لازم اعرف انا بدرس ليه ؟؟
بدرس علشان اخدم ديني .. علشان اتفوق .. واكون مسلم ملتزم متفوق قدوة لغيري .. احبب الناس في الالتزام .. وآخد ثوابهم .. احسسهم ان مفيش حاجة اسمها ملتزم فاشل بل العكس تماماااا .. علشان اقرب من ربنا اكتر لأن اكتر ناس بتخشى الله العلماء فكل ما اتعلم اكتر احقق معنى التقوى .. زي الغرب اللى بيتعلموا مثلا الفلك ويدعوهم هذا العلم للتفكر ويدخلوا الاسلام .. ادعو اصدقائي والناس كلها لله بسلووكي .. انفع الناس بعلمى ..ارضي والديا عنى .. ابرهم اشد البر فهم طريقي للجنة .. ادخل السرور على قلوبهم .. انفع ديني بتفوقى .. لو طبيب لو مهندس لو مدرس لو محاسب .. في اى مكان وفي كل وقت بكون مثال صح في المكان الصح
من الآخــــــــر :: عايز أوصل للمثالية والتميز اللى هم اصلا هدف الساحة دي
من كل اللي سبق هنكتب شوية معادلات حلوة اوى
الدراسة والعلم والتفوق = مهمين جدا في حياتى
النت والدعوة إلى الله والعلم اللى على النت = من أهم الحاجات في حياتى
الدراسة + النت = جزء كبيييير من حياتى
بس عايزين نعرف مين الجزء الأكبر ؟
مين الاهم دراستى ولا النت ؟ طب هم ال2 بيشكلوا اد ايه من حياتي ؟
هو ده ترتيب الأولويات :
اعرف حجم الحاجة دي ايه؟ .. ايه اهميتها بالنسبة لى؟
مين الأهم فيهم ؟ وارتب اولوياتى
هنخلى بالنا من نقطة مهمة جدااا
ان في الدراسة تحقيق بر الوالدين ورضاهم وقبلهم رضا ربنا عني و ..
اذن بشتى المقاييس دراستى والعلم اللى بتعلمه تكتسح المرتبة الأولى
واحد يقول طب والدعوة ع النت ؟؟
نقولك انت بتدعو على النت الاجازة كلها والدراسة ادامك فرصة اكبرررر تدعو فيها لله زي ما قلنا بسلوكك وبالدعوة المتعارف عليه انك تاخد بيد واحد مش ملتزم تجذبه ليك .. تساعد اصحابك ف الدراسة .. توزع على احب اصدقائك كتيبات صغيرة .. (مش تجري في الكلية توزع على كل الناس بدون اذن ادارة الكلية ؟!! .. اوعي )
انت مطالب بالدعوة ومطالب تحافظ على نفسك وترضي ابوك وامك
تمام كدة قربنا نوصل ..
يبقى المرتبة الاولى :: دراستى
المرتبة الثانية :: جلوسي ع النت
طيب هل معنى كدة مقعدش ع النت
لا طبعااااا
ده انت شبه مدمن .. بس مش هو ده السبب اللى هتقعد علشانه
وانما علشان الحياة مش هينفع تكون كلها دراسة .. مذاكرة .. اكيد في قسط من الراحة .. وانت اللى هتحدد تقضيه ازاى
يعني لو عندك مذاكرة .. ابدأي بيها ثم تجلسي على النت
لأن لو بدأت بالنت هتتشتت ومش هتركز في ولا كلمة من اللى هتتذاكر
وحدد هدفك كويس اوى اوى وده هيعينك كتير بس بعد الاستعانة بالله طبعا
اذن لازم انظم وقتى .. وارتب اولوياتي .. نكمل الحلقة الجاية مع تنظيم الوقت وعلاقته بترتيب الأولويات .. والخطة المثلى للتفوق
انتظروووووووووونااااااااااااااااااااااااااا | |
|
مؤمن
Admin
عدد المساهمات : 6624
تاريخ التسجيل : 22/08/2010
العمر : 33
الموقع : دمياط -عروس النيل-
| | موضوع: رد: هل النت او المنتدى ممكن يتسبب في جنون أحد الأعضاء ؟!! الأحد سبتمبر 26, 2010 8:40 am | |
| الحلقة الثالثة ::
ماما بتناااااااادي ....
[size=21]موقف من الواقع :[/size]
يا محممممممد ...يا محمممممممد
ايوة يا ماما
تعالى عايزاك
ثواني بس يا ماما
بسرعة
طيب هخلص اهوه
......
....
ويمضي الوقت
...
..
يا محممممممد ... انت يا ابني
والله اهوه قربت اخلص
تعالى يا ابني عايزاك
طيب حاضر
..........
.......
روح يا محمد قلبي وربي غضبانين عليكي ..
او
روح يا محمد اللاهي ما تكسب !!
ده حال كام واحد أو واحدة فينا ؟؟؟
عقوق ... عصيان وانتى مش حاسس !! ...
والعواقب معروفة : عدم رضا والديك وقبلهم ربنا جل وعلا .. ضياع الأوقات وعدم البركة فيها ومن ثم ضياع الأعمار و..و.. وتتوالى المصائب !!!!!
طب تعالوا نشوف الموقف ده كمان :
همم .... هاها .. تا لالالالا
داخل مزاجه رايق من الكلية
ااااااه .. مش قادر عايز أنام 3 سنين عشان أفوووق
وفعلا .....
ززززززز
قام من النوم اول حاجة عملها
فتح الكمبيوتر ...
وراك مذاكرة ؟؟؟
اه .. بس هعمل كام حاجة كدة وادخل على كام سايت وبعد كدة اذاكر
وبعدين فكك مني هو انا هبدأ مذاكرة من أول يوم ..
يا ابني انت مش عايز ترضي امك وابوك وعايز تتميز في حياتك وتبدع ..
ايوة بس اصل الهمة بقة وانت فاهم الباقي ..
طيب يبقى زي ما قلت لك رتب أولوياتك وانطللللللق
ذاكر ع الأقل نص الكمية وبعد كدة اقعد ع النت ...
المواقف اللى فاتت دي معظمنا الا من رحم ربي بتكرر معاه وكتيير جدا للأسف ... يمكن يفوق يومين من الغيبوبة دي لكن بيرجع لها تاني !!
لو عرف حق ربنا وحق أمه وابوه واد ايه البر ده مهم في حياته .. كانت حياته اتغيرت من الألف إلى الياء وأنا بكلم نفسي قبل ما بكلمكم ..
لعلي لما بكتب بتشجع على التنفيذ والله المستعان ..
اظن بكدة احنا فهمنا كويس أوى معنى أرتب أولوياتي ... | |
|
مؤمن
Admin
عدد المساهمات : 6624
تاريخ التسجيل : 22/08/2010
العمر : 33
الموقع : دمياط -عروس النيل-
| | موضوع: رد: هل النت او المنتدى ممكن يتسبب في جنون أحد الأعضاء ؟!! الأحد سبتمبر 26, 2010 8:41 am | |
| الحلقة الرابعة
ازاى اوفق بين النت ودراستى ؟؟
زي ما عرفنا الحل الوحيد هو ::: ترتيب الأولويات اللى اتكلمنا عنه من قبل
ومن هنا هنحط خطة عملية
يالا يا اخوانى واخواتى :
1/ وضع الخطة ::::
** حط لنفسك عدد ساعات معين للنت في اليوم الواحد
ساعة او 2 او اقل ((لكن مش اكتر من ساعتين))
** اكتب مطلوب منك مذاكرة ايه انهاردة
2/ اول ما ترجع من الكلية او المدرسة اللى متعودة ينام .. هينام حوالى ساعتين
مع مراعاة الصلوات على اوقاتها
3/ اول لما تصحي هتاكل وكل حاجة تمام ... وندخل في الجد
اول حاجة بعد كدة واهم حاجة قراءة ولو صفحة واااااااحدة فقط من القرآن الكريم
صفحة واحدة مش هتاخد من وقتك حاجة ... او ممكن نتفق كلنا نقرأ ربع واحد قبل المذاكرة
ربع واحد يعني حوالى صفحتين او صفحتين ونص ..
ونتابع مع بعض
4/ ابدأ بتبييض المحاضرات واللى تتبيض تتذاكر في ساعتها
او في ناس مش بتبيض اصلا فدي تلقي نظرة على المحاضرة .. يفتكر كل حاجة اتقالت
سواء كنتى في كلية او في مدرسة
تذاكرى درسين او 3 مع حل الواجب أوتحلى عليهم عامة ...
وانتى محاضرتين في الاول مذاكرة
بعدها ممكن تقومي تشربي حاجة
5/ وطبعا اى وقت سواء بتذاكرى او بتعملى اى حاجة فور الآذان تجري للصلاة على طول
سيبي كل اللى في يديكي
لازم تتعودى على كدة تسمعي الآذان وتقولى وراه وتدعي 3 دقايق وتروحي تتوضي وتصلي فورااااا
هتلاقي بركة رهيييييييييبة في الوقت
واسأل مجرب ...
6/ بص نظرة سريعة على اللى ذاكرته العناوين وكدة وحبذا لو عملت ملخص صغير اوى بخط ايدك
حاجة زي خريطة كدة فيها العناوين
حاجة مهمة اوووووى ::
لازم تكون بكدة خلصت اكبر جزء من مذاكرة اليوم ((يعني تسيب حاجة بسيطة اوى)) او تخلصها كلها يبقى حاجة رائعة جدااا وتكوني فعلا متميزة
7/ ممكن دلوقتى تروح تفتحي النت
بس الساعة ادامك ..
محدد هدفك .. هعمل كذا وكذا وكذا
الاهم فالمهم فالاقل اهمية .. حتى في النت رتب اولوياتك
8/ والدتك ناديتك او عايزة منك حاجة سيبي النت واعمليها وارجعى تانى
9/ بعض قضاء نص ساعة او ساعة او 2 بالكتييييير
10/ ارجع قفل ملفاتك فاضل مثلا مذاكرة كذا وكذا ..
عايز اراجع كذا ..
11/ ركعتين بالليل (في جوف الليل) ادعي فيهم بكل ما تتمني .. وربنا يستجيب
ادعى ربنا يوفقك وان ربنا يبارك لك في وقت ولا ننسى بعض من الدعاء
وادعي ربنا يوفقك ويكرمك ويجعلك ملتزم متميز ويرزقك بر والديكي
12/ اذكار النوم .. وتوكل على الله
حاول قدر الامكان يكون طبيعي نومك مثلا الساعة 12 لو زودتى ممكن تبقى 1
وفقكم الله وبارك في اوقاتكم
كل اللى فات نصائح ليا وليكو
وانا معاكم في التنفيذ
| |
|
مشتاقة للقاء الله
مدير عام
عدد المساهمات : 276
تاريخ التسجيل : 20/10/2010
| | موضوع: رد: هل النت او المنتدى ممكن يتسبب في جنون أحد الأعضاء ؟!! الخميس أكتوبر 21, 2010 2:49 am | |
| جزاكم الله خيرا
قضية مهمة جدا
قراتها فى منتدى الازهر قبل كده من كتابات المرتقى الجنة | |
|
مؤمن
Admin
عدد المساهمات : 6624
تاريخ التسجيل : 22/08/2010
العمر : 33
الموقع : دمياط -عروس النيل-
| | موضوع: رد: هل النت او المنتدى ممكن يتسبب في جنون أحد الأعضاء ؟!! الخميس أكتوبر 21, 2010 4:53 am | |
| وجزاكم بمثله وبارك الله فيكى
قراتها بالفعل من نقل حضرتك لكنى نقلتها من منتدى آر لآنها لم تكن منسقة فى منتدى الازهر
بارك الله فيكى وجزاكى الله كل خير | |
|
