شارك فى الاستفتاء واوعى تكون سلبى!!!

[ندعوك للتسجيل في المنتدى أو التعريف بنفسك لمعاينة هذه الصورة]

مصر الحبيبه تمر بمرحله مصيرية

مرحله جميله باذن الله

ربما لن تستقر الاوضاع الان

ولن تجنى الثمار ألان

بل ربما يستمر الامر لسنة أو اثنتين حتى تستقر الامور

وسيبدا التغيير الفعلى يوم السبت 19 مارس باذن الله تعالى

يوم الاستفتاء على التعديلات الدستورية

مش مهم أبدا تقول نعم

أو تقول لا

المهم بجد انك تقول

سواءا نعم اولا

المهم انك تنزل

تنزل وتشارك

تشارك بجد

تشارك بصوتك

اوعى تسمع لحد

الى يقول نعم علشان الاستقرار بلا استقرار بلا بتانجان

الى يقول لا علشان ترقيع الدستور وكده

ملكش دعوى بحد

انته شايف اية

رأيك اية

رأيك انته

رايك بجد

أنا بقول نعم انته بتقول لا عادى جدا

لكن كلنا عايزن مصلحه مصر

لازم تشارك

تشارك بنعم تشارك بلا ده يرجع ليك انته

اوعى تسمح لحد أى كان يفرض رايك عليك

من النهارده رايك ليه قيمه بجد

اوعى تكون سلبى وتقول مش لازم ولا عامل

يعنى صوتى هيفيد بايه

لا وألف لا صدقنى صوتك هيفرق كتير

لازم تثبت انك حر ليك رايك تقول نعم تقول لا

ونشوف رأى الاغلبيه

نشوف الشورى

لازم تنزل ولازم تشارك

لان دى مصر

وده مستقبل مصر

لازم تكون موجود وتكون شاهد على المستقبل ده

ويمكن ده لاول مره استفتاء نزيه بحد

والتاريخ عمره ما هينسى اليوم ده

بكره-باذن الله- نقعد مع اولادنا وبناتنا ونحكى ليهم على الايام دى

لازم تكون شاهد

شاهد على عصر جديد

علم حلم جديد

على امل جديد

شاهد على حلم لجديد لمصر بيتبنى

ده بلدنا لازم نصنع قرارها بانفسنا

ولكن لنتذكر جيدا

عبدى انت تريد وأنا اريد ولا يكون الا ما أريد

فان سلمت بما اريد أعطيتك ما تريد وان جحدت عما أريد أغممتك فيما تريد ولا يكون الا ما اريد

أو كما قيل فى الحديث القدسى

مصر بتنادينا كلنا اوعى نتأخر عنها

حتى البنات لازم تشارك بجد

لازم يكون ليكى رأى

انزلى مع بابا مع اخوكى

لازم بجد تنزلى وتشاركى وتحطى رايك

رايك الى انتى شايفه انه صح

لازم بجد نقرا المواد والتعديلات كويس وبعدين نقول رأينا

نعم او لا

المهم نقول وننزل ونشارك بجد

أنا مبسوط جدا وانا بكتب بلهجه مصرية خالصه

مبسوط وفخور فى نفس الوقت

ويارب الخير لمصر

مؤمن

مدينه نصر

17-3-2011م

ياريت فعلا كلنا نكون شاركنا لأني هتصدم بجد لو عرفت إن في حد لم يشارك
لازم كلنا من إنهارة نقول
نعم للإجابية لا للسلبية

فعلا مش مهم تقول نعم مش مهم تقول

المهم تصوت وتكون ايجابى

شكرا جزيلا لكى

[ندعوك للتسجيل في المنتدى أو التعريف بنفسك لمعاينة هذه الصورة]

مبارك للجميع
بصراحه كان يوم جميييييييييييل
الواحد كان حاسس باحساس مختلف لا يقدر بثمن
ربنا يديم علينا الحريه والسعاده

والقادم أجمل بإذن الله
جزاك الله خير يامؤمن

آه فعلا والله يا سارة

حدث فى ذلك اليوم امور رائعة

ساذكرها قريبا باذن الله تعالى

فى موضوع يوم من حياتى

قريبا باذن الله تعالى وفيه مفاجئات قويه كنت شاهد عليها لانى كنت من اللجنة المنظه للانتخابات لوى الشرف

شكرا جزيلا لكى يا سارة

» شارك فى الاسفتاء واوعى تكون سلبى !!!
» هام وعاجل أماكن التصويت على الاستفتاء+ س و ج حول الاستفتاء
» التعديلات الدستورية و الاستفتاء الشعبي ؟؟؟
» نموذج بطاقة الاستفتاء على التعديلات الدستورية
» نتائج الاستفتاء على الدستور لحظه بلحظه !!!