| مين قرر يدخل طب اسنان؟؟؟ | |
|
|
كاتب الموضوع | رسالة |
---|
منة الرحمن مدير عام
عدد المساهمات : 215 تاريخ التسجيل : 26/08/2010
| موضوع: مين قرر يدخل طب اسنان؟؟؟ الإثنين يوليو 25, 2011 5:17 pm | |
| الموضوع ده للتعرف اكتر علي كلية طب الاسنانلمن قرر انه يلتحق بالكليه او اللي ما زال بيفكر ومحتاركلية طب الاسنان من اجمل وامتع الكليات العلميه من حيث دراستهافموادها اساسا تعتمد اعتمادا كليا علي الفهم والاستنتاجولكن ليست كل المواد التي تدرس مواد متعلقه فقط بطب الاسنان بل هناك مواد طب بشري وموادعلومهانتكلم اولا بالنسبه لنظام الدراسهطب الاسنان خمس سنوات اول سنه اعدادي اسنان وتدرس في علوم وبعدين اربع سنوات بمبني طب اسنان وسنه امتيازسنه اعدادي دي انا بعتبرها حلم مزعج موادها لا تمت بصله لطب الاسنان الا ماده واحده وهي المصطلحات الطبيهولكنها بتدربنا كويس علي نظام مذاكرة الكلياتيعني انك بتلاقي نفسك لاول مرة معتمد تماما علي نفسك ذاكرت يبقي هاتعدي لبر الامان باذن الله مش ذاكرت مفيش حد هايقولك ذاكر انتا حر ولكن انتا برضه اللي بتتحمل العواقببتلاقي نفسك بتذاكر كلام كله انجليزي ومسؤول انك تجاوب ف الامتحان انجليزي بس هيا سنه سهله مش صعبه اطلاقا خصوصا لو الطالب اجتهد من اول السنه وحاول لان ده بيكون صعب انه يذاكر اول باول لان معدل التحصيل بيكون ضعيفولكن قبل الامتحانات كل حاجه بتتضح وبيبدأ الطالب يفهم نظام المواد وبيلحق نفسه ويذاكرمواد اعدادي علي ما اتذكرالترم الاول:1- حيوان ودا مقسم الي هستولوجي وفسيولوجي وفقاريات ولا فقاريات ودى تقريبا اجمد ماده معاكم في اعدادي2 -نبات3- كيماء عضويه زي اللي اخدتيها في الثانوي بس بالانجليزي وبزياده بعض التفاصيل4- فيزياء ودي فرعين5- حاسب الي6- مصطلحات طبيه ودي امتحانها اخر السنه مع ماده الانجليزي (الماده دي هي اهم ماده لانها هاتفيدك كتير في كليه اسنان) 7- عقيده8- قران وامتحانه اخر السنه ايضا ومنهج القران طول السنه (خمسه اجزاء من سوره الاحقاف لسوره الناسالترم التاني: 1-نبات وهو في الترم التاني فرعين 2-كيمياء -فرعين ايضا 3-فيزياء-فرعين 4-حاسب الي 5-فقه6-انجليزي7-قران
ملحوظه ؛المواد زي الانجليزي والحاسب والقران والفقه والعقيده مواد بترفع التقدير لازم تهتمو بيها ان شاء الله نواصل المره القادمه التعرف علي كلية طب الاسنان وفي انتظار اي سؤال | |
|
| |
مشتاقة للقاء الله مدير عام
عدد المساهمات : 276 تاريخ التسجيل : 20/10/2010
| موضوع: رد: مين قرر يدخل طب اسنان؟؟؟ الإثنين يوليو 25, 2011 5:49 pm | |
| متابعة معاكى باذن الله يا دكتورة ودى رغبتى من وانا فى الاعدادى بس بعد المجموع السنة دى ناس كتير بدأت تكرهنى فيها علشان ادخل بشرى والحمد لله انتى رجعتيلى الامل تانى ولى اسئلة كتير عايزة اعرف اكتر عن نظام الدراسة والعملى والمزايا والعيوب وترشيحها لى ام لا؟ انا بصراحة بحبها من صغرى وبحب المجال عموما جزاكى الله خيرا لى عودة باذن الله | |
|
| |
منة الرحمن مدير عام
عدد المساهمات : 215 تاريخ التسجيل : 26/08/2010
| موضوع: رد: مين قرر يدخل طب اسنان؟؟؟ الإثنين يوليو 25, 2011 6:36 pm | |
| اهلا بالدكتوره دره اوعي المجموع يخدعك وتدخلي بشري فكري كويس واعرفي مزايا وعيوب كل كليه يعني عيب بشري انك بتدرسي 6 سنوات وبعدين الامتياز ولسه برضه لو اشتغلتي اسمك ممارس عام لازم تدرسي كمان سنتين تقريبا التخصص وميزتها ان فيها تخصصات شغلها مريح زي العيون والجلديه اما عيب اسنان انها شغلها مرهق وميزتها ان دراستها ممتعه وجميله ولو حبتيها يبقي ربنا يعينك ع الشغل ان شاء هاكمل تعريفكم ع الكليه والمواد والدكاتره وكل حاجه
| |
|
| |
مشتاقة للقاء الله مدير عام
عدد المساهمات : 276 تاريخ التسجيل : 20/10/2010
| موضوع: رد: مين قرر يدخل طب اسنان؟؟؟ الإثنين يوليو 25, 2011 7:03 pm | |
| ان شاء الله
كله بيقول بشرى بس انا مش عايزة بشرى خالص
وكمان مشواره طويل جدا انا عارفاه كويس
لان اختى الكبيرة خلصت بشرى من3سنين ولسه مشوارها طويل جدااااااا
انا بصراحة كان نفسى ف اسنان فمش هاطمع بقه فى اكتر من كده عشان مجموعى
وكمان انا كان نفسى اجيب مجموع بشرى وادخل اسنان
والحمد لله حلم المجموع اتحقق وباذن الله ادخل اسنان | |
|
| |
مؤمن Admin
عدد المساهمات : 6624 تاريخ التسجيل : 22/08/2010 العمر : 33 الموقع : دمياط -عروس النيل-
| موضوع: رد: مين قرر يدخل طب اسنان؟؟؟ الثلاثاء يوليو 26, 2011 9:38 am | |
| بسم الله ما شاء الله موضوع حقا جميل جدا ومفيد جدا ومبادره رائعة منكى يا دكتوره بارك الله فيكى بكل صدق قد كنت افكر فى موضوع مثل ذلك بالاخص بعدما رايت رد دكتوره دره الكون فى موضوعكى اسئل استشسر فى طب الاسنان لكنكى سبقت وكنت مبادره بالخير كالعاده بارك الله فيكى يا دكتوره الموضوع اكثر من كونه رائع متابع جدا يا دكتوره جعلكى الله دوما عونا لاخوتكى تم تثبيت الموضوع نظرا للاهميه
| |
|
| |
منة الرحمن مدير عام
عدد المساهمات : 215 تاريخ التسجيل : 26/08/2010
| موضوع: رد: مين قرر يدخل طب اسنان؟؟؟ الثلاثاء يوليو 26, 2011 1:45 pm | |
| جزاكم الله خيرا علي التثبيت انار الموضوع بوجودك
| |
|
| |
مؤمن Admin
عدد المساهمات : 6624 تاريخ التسجيل : 22/08/2010 العمر : 33 الموقع : دمياط -عروس النيل-
| موضوع: رد: مين قرر يدخل طب اسنان؟؟؟ الثلاثاء يوليو 26, 2011 2:19 pm | |
| وبارك تعينكى مشرفا عام على المنتدى
عدل سابقا من قبل مؤمن في الأربعاء يوليو 27, 2011 10:26 am عدل 1 مرات | |
|
| |
منة الرحمن مدير عام
عدد المساهمات : 215 تاريخ التسجيل : 26/08/2010
| موضوع: رد: مين قرر يدخل طب اسنان؟؟؟ الثلاثاء يوليو 26, 2011 3:04 pm | |
| مشرف عام مره واحده جزاكم الله خيرا وارجو ان اكون عند حسن ظنك
| |
|
| |
منة الرحمن مدير عام
عدد المساهمات : 215 تاريخ التسجيل : 26/08/2010
| موضوع: رد: مين قرر يدخل طب اسنان؟؟؟ الثلاثاء يوليو 26, 2011 4:10 pm | |
| السلام عليكم ورحمة الله وبركاته نكمل معا التعرف علي كليه طب اسنان بعد ما خلصنا اعدادي اسنان هاندخل ف عالم تاني ف قمة الجمال وهو كلية طب الاسنان المبني جميل جدا والمعامل جميله وننسي علوم خالص بقا ونعيش مع كليتنا طبعا المعامله بتختلف تماما وبيكون اسمك بالنسبه للبنات بعد يا بت ويا انسه- بمد الالف للتأنيب- يا دكتوره مش عارفه بصراحه ده بيحصل عند الولاد ولا لا طبعا هاتنبهري بمستوي المعامله ونظافه الكليه وبمستوي الشرح انبهار تتمحي معاه شئ فشئ كل ذكريات علوم الأليمه ونصيحه كده ع الماشي لطلبه اعدادي لازم تكونو دايما علي اتصال بكليه طب الاسنان وتزورو الكليه من حين لاخر وتعرفو مين الدكتور المسؤؤول عن كل مجموعه لانهم بيقسمو كل دفعه مجموعات وكل مجموعه بيكون ليها رائد علمي من مصلحتك تعرف الرائد العلمي المسؤول عنك وتجتمع معاه ف مكتبه وتناقشه ف مشاكل لان ده بيساعدكم كتير وبيحسن نفسيتكم بالنسبه لمواد سنه اولي هندرس مواد متعلقه بدراستنا ونبدأ نحس ان لينا لازمه ف الدنيا طبعا مش هايكون في امتحانات ترم بس النظام بيكون امتحان 20 % ميترم وامتحان اخر السنه المواد مقسمه كالتالي مواد طب بشري وهي 1-anatomy تشريح وهندرس فيه فقط (head and neck) الماده دي من اجمل مواد طب وممتعه جدا بس مشكلتها انه بتتنسي وعاوزه مذاكره اول باول ومراجعه مستمره وقلب جامد كمان علشان وقفة المشرحه ورائحه الفورمالين النفاذه 2-histology علم الخلايا تقريبا ودي اسهل ماده طب بشري وبتتذاكر وبتتلم للامتحان بسهوله 3-biochemistry كيمياء حيويه بالنسبه لاسنان فدراسته بتكون مش صعبه لانه بيكون مختصر 4-physiology علم وظائف الانسجه الحيه الماده دي اتقل ماده طب ويلازم تتذاكر اول باول وايام الامتحانات حلها انها تتشيت التشييت هي طريقه يلجأ لها الطالب عندما تكون الماده كبيره جدا وصعب انها تتجمع وهو عباره عن مذاكره الاسئله اللي بتتكرر ف الامتحانات وده بيختصر نص المنهج تقريبا دي كانت مواد طب ومشكلتها ان الدكاتره مش بيهتمو ابدا بطلبه طب اسنان ومش كلهم بيشرحو كويس وانها مواد يلزمها الحفظ الجيد حتي لو انتا مش فاهم كل حاجه 5-material ودي اهم ماده من مواد طب الاسنان وهيا ماده جميله جدا والدكاتره بيهتمو اوي بشرحها وبيعملو امتحانات كل محاضره وفعلا بيبذلو مجهود كبير مع الطلبه لانها ماده ف قمة الاهميه والدكتوره بالنسبه للبنات د_ ايناس وهي شخصيه محترمه ومجتهده مع الطلبه جدا 6-dentition او morphology ماده سهله وممتعه جدا وشغلها العملي رائع وبتدرسها للبنات د-مني فريد ف قمة الاحترام والامتياز وشخصيه طيبه ومتعاونه جدا 7-crown and bridge التيجان والجسور ف سنه اولي هناخد منها مجرد مقدمه وتعريفات بسيطه اوي وامتحانها هايكون 20% بس اما امتحانها النهائي ف سنه تانيه 8-operative العلاج التحفظي منهجها ف سنه اولي برضه بسيط وامتحانها 20% نفس نظام اللي قبلها 9-prosthesis الاستعاضه الصناعيه المتحركه طلبه طب الاسنان مش بيحبوها وعقدوني منها اول ما دخلت بس لما درستها كانت ماده جميله وسهله بس شغلها العملي يعتبر اتقل شغل بس بجد متخلوش حد يعقدكم منها لانها حلوه جدا وبالنسبه للبنات يكون من حسن حظكم لو الدكتوره هاله شرحتلكم انا كنت بحبها جدا وبحترمها وكل طلبتها بيحبوها لانها مخلصه وجاده جدا وممتازه 10-سيره 11-قران مواد طب اسنان تعتمد كليا علي الفهم والدكاتره مخلصين جدا ف شرحهم ومع الطالب لحد ما يفهم وطبعا لازم مذاكره اول باول الي اللقاء ف الحلقه القادمه مع سنه تانيه وف انتظار اتصالتكم قصدي اسئلتكم
| |
|
| |
مؤمن Admin
عدد المساهمات : 6624 تاريخ التسجيل : 22/08/2010 العمر : 33 الموقع : دمياط -عروس النيل-
| موضوع: رد: مين قرر يدخل طب اسنان؟؟؟ الأربعاء يوليو 27, 2011 3:13 am | |
| بسم الله ما شاء الله رائع جدا يا دكتوره اكملى بارك الله فيكى أتعلمى يا دكتوره بارك الله فيكى أنى كنت اود بحق ان التحق بكليه طب الاسنان ولكن شاء الله خلاف ذلك فاللهم لك الحمد على كل حال موضوع قيم يا دكتوره أتمنى حقا لو تواجدت معنا دكتوره ضى كليه الطب دكتوره نور-قلبى ملك ربى- كليه الصيدله دكتوره نداء كليه العلوم أتمنى لو تواجدوا جميعا كتبوا موضوعا مثل ذلك كان سيكون رائعا جدا جهد مميز يا سياده المشرف العام
| |
|
| |
مشتاقة للقاء الله مدير عام
عدد المساهمات : 276 تاريخ التسجيل : 20/10/2010
| موضوع: رد: مين قرر يدخل طب اسنان؟؟؟ الأربعاء يوليو 27, 2011 11:01 am | |
| ماشاء الله اللهم بارك رائع جدا اختى متابعة باذن الله وبشغف ولكن اريد ان اعرف اكثر عن الكلية بوجه عام لان انتى اول حد يشجعنى ليه كل الناس بتقول فيها عيوب كتير وتكاليفها كتير جدااااااا والعملى صعب فلازم ننزل نشوف حالات العملى فى الشارع وكلام كده يعنى فهل دا صحيح ؟؟؟؟؟؟؟؟ أنا فى حيرة شديدة من أمرى وان شاء الله هنقدم الرغبات بعد غد فى انتظار نصيحتك اختى وان ان شاء الله هصلى استخارة برده وربنا ييسر الامور جزاكى الله خيرا | |
|
| |
منة الرحمن مدير عام
عدد المساهمات : 215 تاريخ التسجيل : 26/08/2010
| موضوع: رد: مين قرر يدخل طب اسنان؟؟؟ الخميس يوليو 28, 2011 9:45 am | |
| - مؤمن كتب:
-
بسم الله ما شاء الله
رائع جدا يا دكتوره
اكملى بارك الله فيكى
أتعلمى يا دكتوره بارك الله فيكى
أنى كنت اود بحق ان التحق بكليه طب الاسنان ولكن شاء الله خلاف ذلك
فاللهم لك الحمد على كل حال
موضوع قيم يا دكتوره
أتمنى حقا لو تواجدت معنا دكتوره ضى كليه الطب
دكتوره نور-قلبى ملك ربى- كليه الصيدله
دكتوره نداء كليه العلوم
أتمنى لو تواجدوا جميعا كتبوا موضوعا مثل ذلك كان سيكون رائعا جدا
جهد مميز يا سياده المشرف العام
وانا لم اكن لاتخيل نفسي ابدا طبيبه اسنان وانما كان طموحي مجال الهندسه الوراثيه ولم اكن اعلم كيف اصل له وما هي الكليه التي التحق بها لاحقق هذا الحلم حتي استقريت اني التحق بكليه علوم ورفض ابي بشده ولم اقرر طب الاسنان الا بعد مناقشات عديده ولم تكن عن اقتناع وكان ذلك قبل تقديم الرغبات بيوم واحد سبحان الله ولما درست فيها احببتها جدا وعلمت ايضا ان كل ميسر لما خلق له واكيد دلوقتي انت بقيت بتحب كليتك واقتنعت بيها واهم حاجه فعلا الانسان يحرز التفوق في مجاله ويتقي الله في المسؤوليه التي يتحملها مهما كانت انا ايضا افتقد ضي القمر ونداء وقلبي ملك ربي واتمني ان يكونو بخير واكيد لو كان بامكانهم المشاركه كانو شاركو وان شاء الموضوع يكمل ياسيادة المدير
| |
|
| |
منة الرحمن مدير عام
عدد المساهمات : 215 تاريخ التسجيل : 26/08/2010
| موضوع: رد: مين قرر يدخل طب اسنان؟؟؟ الخميس يوليو 28, 2011 10:05 am | |
| - درَّة الكون كتب:
ماشاء الله اللهم بارك رائع جدا اختى متابعة باذن الله وبشغف ولكن اريد ان اعرف اكثر عن الكلية بوجه عام لان انتى اول حد يشجعنى ليه كل الناس بتقول فيها عيوب كتير وتكاليفها كتير جدااااااا والعملى صعب فلازم ننزل نشوف حالات العملى فى الشارع وكلام كده يعنى فهل دا صحيح ؟؟؟؟؟؟؟؟ أنا فى حيرة شديدة من أمرى وان شاء الله هنقدم الرغبات بعد غد فى انتظار نصيحتك اختى وان ان شاء الله هصلى استخارة برده وربنا ييسر الامور جزاكى الله خيرا
فعلا يا دره الكليه مكلفه جدا وبالنسبه للعملي فالسنتين ال فاتو مش كانو صعبين بالعكس الشغل كان حلو جدا اما شغل سنه تالته الله اعلم بس انا حاليا بتدرب عند دكتوره اسنان وحاسه ان الشغل ممتع جدا بس محتاج مجهود وانا قلت قبل كده ان مشكله طب اسنان بالنسبه للنساء ان شغلها مرهق يعني صيدله في المستقبل تعتبر اريح بكتير انا يا دره بشرح نظام الكليه عامة بس مش اقدر اقولك ادخليها لان كل كليه لها ميزتها وعيوبها واي كليه هاتدخليها لازم تكوني مقرره ده بنفسك وعن اقتناع تام وتسمعي من الكل مش مني بس لاني ف اسنان ومعلوماتي محدوده عن الكليات الاخري فلما تقابلك مشاكل ف دراستك او شغلك لازم تتحمليها لان ده اختيارك لان اي مجال هتلاقي فيه عقبات فلو كنتي ضعيفه او تمسكك بافكارك وكليتك مش قوي ممكن تنهاري مع اول عقبه استخيري واستشيري كويس يا دره وانا هاحاول ابين لك مميزات وعيوب اسنان علي قدر الامكان ربنا يقدم لك الخير يا رب | |
|
| |
مؤمن Admin
عدد المساهمات : 6624 تاريخ التسجيل : 22/08/2010 العمر : 33 الموقع : دمياط -عروس النيل-
| موضوع: رد: مين قرر يدخل طب اسنان؟؟؟ الخميس يوليو 28, 2011 1:19 pm | |
| جزاكى الله خير يا دكتوره لوقفكى بجانب دكتوره دره الكون
وذلك الموضوع الذى يعتبر دره فى حد ذاته
أتعلمى يا دكتوره بارك الله فيكى أنه سبحان رب الاقدار اننى مرشح وبقه للمجال الهندسه الوراثيه فسبحان الله له فى خلقه شئون
| |
|
| |
مشتاقة للقاء الله مدير عام
عدد المساهمات : 276 تاريخ التسجيل : 20/10/2010
| موضوع: رد: مين قرر يدخل طب اسنان؟؟؟ الخميس يوليو 28, 2011 6:08 pm | |
| - منة الرحمن كتب:
فعلا يا دره الكليه مكلفه جدا وبالنسبه للعملي فالسنتين ال فاتو مش كانو صعبين بالعكس الشغل كان حلو جدا اما شغل سنه تالته الله اعلم بس انا حاليا بتدرب عند دكتوره اسنان وحاسه ان الشغل ممتع جدا بس محتاج مجهود وانا قلت قبل كده ان مشكله طب اسنان بالنسبه للنساء ان شغلها مرهق يعني صيدله في المستقبل تعتبر اريح بكتير انا يا دره بشرح نظام الكليه عامة بس مش اقدر اقولك ادخليها لان كل كليه لها ميزتها وعيوبها واي كليه هاتدخليها لازم تكوني مقرره ده بنفسك وعن اقتناع تام وتسمعي من الكل مش مني بس لاني ف اسنان ومعلوماتي محدوده عن الكليات الاخري فلما تقابلك مشاكل ف دراستك او شغلك لازم تتحمليها لان ده اختيارك لان اي مجال هتلاقي فيه عقبات فلو كنتي ضعيفه او تمسكك بافكارك وكليتك مش قوي ممكن تنهاري مع اول عقبه استخيري واستشيري كويس يا دره وانا هاحاول ابين لك مميزات وعيوب اسنان علي قدر الامكان ربنا يقدم لك الخير يا رب [/size][/color] [/center] جزاكى الله خيرا اختاه أنا باذن الله ناوية ع اسنان ولكن الكلام الكتير من حولى والزملاء والاهل 00000الله المستعاااااااااااااااااااااااااان ولكن اى كلية بتكون مكلفة بس اسنان اكيد اكتر لان الكل بيقول كده بس مش لدرجة10000مثلا فى سنة زى مانا س بتقول ولا ايه راى حضرتك ؟؟؟؟؟؟؟؟؟!!!!!!!! وبالنسبة لموضوع ان شغلها مرهق ف دى بالنسبة لى فرصة كويسة لان اى مجال هدخله اكيد هكون عايزة اخدم دينى فباذن الله احتسب النية وهو الستر على مسلمات وانا بصفة شخصية مش بشجع بشرى خالص لان مشواره طويل جدااااااااااااا ومش للبنت م الاخركده يعنى أما صيدلة فانا باختلف مع الكل انها مريحة بل بالعكس المسئولية بتبقى كبيرة جدااااااااااا لانى اكيد هقعد مرتاحة فى بيتى اه بس فيه ناس هتشتغل فى صيدليتى وانا هبقى مسئولة عن كل كبيرة وصغيرة تصدر منهم وفى الغالب مش هجيب دكتور صيدلى اشغله عندى مايفتح لنفسه اولى فاكيد اللى هيقفوا فى صيدلتى مش متخصصين ى المجال ومفيش حد معصوم م الخطأ فالفكرة نفسها ملغية من عندى اصلا لانها مش مريحة زى ماناس كتير معتقدة وباذن الله استخير وربنا يوفقنى وادخل اسنان واكيد حضرتك هتبقى قدوتى وباذن الله ربنا يوفقنى فيها لانى داخلاها عن حب واقتناع تاااااااااااام وباذن الله اتشرف بالتعرف على حضرتك أسئل الله ان يجمعنا على خير وجزاكى الله خير الجزاء فعلا موضوعك جه فى وقته وانقذانى من حاجات كتير لانى كنت خلاص كرهت اسنان بعد اقتناع طيلة السنين الماضية | |
|
| |
منة الرحمن مدير عام
عدد المساهمات : 215 تاريخ التسجيل : 26/08/2010
| موضوع: رد: مين قرر يدخل طب اسنان؟؟؟ الخميس يوليو 28, 2011 6:54 pm | |
| جزانا واياكم يا دره بصي بالنسبه لسنه اولي وتانيه التكلفه عاديه جدا اما 3 و4 فالتكاليف مرتفقعه بسبب الادوات اللي بتشتريها والخامات اللي بتشتغلي بيها كل ده بيكون ع حسابك بس مش لدرجه المبلغ اللي ذكرتيه ده وفعلا ف كليتنا نيتنا الاولي هي ستر المسلمات وعلشان تحققي ده لازم تكوني دكتوره متميزه علشان تكفي المسلمات من انهم يبحثو عن دكتور راجل شاطر ومشكله صيدله اضافه لكلامك انك لو وقفتي ف صيدلتك بتكوني عرضه لاختلاط ملهوش حل ودي طبعا مشكله كبيره وبالنسبه للقدوه انصحك تبحثي عن قدوه احسن مني يا دره ربنا يكرمك احنا ممكن نبقي اصحاب ماشي اما قدوه ان شاء الله هتلاقي قدوه صالحه اسنان بجد كليه رائعه وهاتحبيها اكتر واكتر لما تدرسي فيها وهانكون ع اتصال ومن اعدادي باذن الله هافرجك ع الكليه والعيادات
| |
|
| |
مشتاقة للقاء الله مدير عام
عدد المساهمات : 276 تاريخ التسجيل : 20/10/2010
| موضوع: رد: مين قرر يدخل طب اسنان؟؟؟ الجمعة يوليو 29, 2011 5:17 pm | |
| إن شاء الله اختى انتى قدوة صالحة احسبك على خير ولاازكي على الله أحدا الحمد لله تقديم الرغبات بدأ وكتبت أسنان رغبة أولى وربنا ييسر الاحوال والله أتمنى ان اركى جدااااااااا جمعنى الله بكى عاجلا غير آجل أحبك فى الله كثيرااااااااااااااااااااااااااا | |
|
| |
منة الرحمن مدير عام
عدد المساهمات : 215 تاريخ التسجيل : 26/08/2010
| موضوع: رد: مين قرر يدخل طب اسنان؟؟؟ الجمعة يوليو 29, 2011 7:08 pm | |
| احبك الله الذي احببتني فيه
وانا ايضا احبك في الله
ان شاء الله هنتقابل اول ما الدراسه تبدأ
ولي الشرف بمقابلتك والتعرف اليك | |
|
| |
مشتاقة للقاء الله مدير عام
عدد المساهمات : 276 تاريخ التسجيل : 20/10/2010
| موضوع: رد: مين قرر يدخل طب اسنان؟؟؟ السبت يوليو 30, 2011 5:19 pm | |
| جزاكى الله خير الجزاء
ان شاء الله يجمعنا فى ظل عرشه
هنتظرك باذن الله ع الايميل لانى مش هدخل هنا تانى | |
|
| |
منة الرحمن مدير عام
عدد المساهمات : 215 تاريخ التسجيل : 26/08/2010
| موضوع: رد: مين قرر يدخل طب اسنان؟؟؟ الأحد نوفمبر 27, 2011 1:47 am | |
| | |
|
| |
منة الرحمن مدير عام
عدد المساهمات : 215 تاريخ التسجيل : 26/08/2010
| موضوع: رد: مين قرر يدخل طب اسنان؟؟؟ الأحد نوفمبر 27, 2011 1:55 am | |
| | |
|
| |
د. هالة أزهرى منورنا
عدد المساهمات : 1 تاريخ التسجيل : 27/11/2011
| موضوع: رد: مين قرر يدخل طب اسنان؟؟؟ الأحد نوفمبر 27, 2011 3:15 am | |
| جزااااااااااااااااااك اللــــــــــــــــــــــه كــــــــــــــــــل خيـــــــــــــــــــــر حببتى د .منه الرحمن مش عارفه اقولك ايه اللهم انفع بــــــــــــــــــــــــــــــــــــــك دائما يا رب العالمين | |
|
| |
منة الرحمن مدير عام
عدد المساهمات : 215 تاريخ التسجيل : 26/08/2010
| موضوع: رد: مين قرر يدخل طب اسنان؟؟؟ الأحد نوفمبر 27, 2011 3:21 am | |
| جزانا واياكم ربنا يكرمك ي دكتوره انا تحت امرك اطلبي انتي بس | |
|
| |
| مين قرر يدخل طب اسنان؟؟؟ | |
|