((أكتب حلمك معانا))

شكرا ياسارة على الموضوع ده
أنا بقى نفسي اوي أختم القران وأعلمه للناس
نفسي يكون عندي مركز لتحفيظ القران زي اللي بسمع عنهم
نفسي ربنا يكرمني ويكتبلي الكلية اللي بتمناها علشان أقدر أفرح والدي ووالدتي بيا
ونفسي أشوف إخواتي أسعد الناس
بس بقى أكتر اللي نفسي أشوف قوتهم هما المسلمين أمة محمد
علشان كده نفسي راية الازهر ترجع من تاني
وأهم من ده كله نفسي نكون بصحبة المصطفى في جنة النعيم
قال تعالى(وإذا سألك عبادي عني فإني قريب أجيب دعوة الداعي إذا دعاني فليستجيبوا لي وليؤمنوا بي)
طولت عليكم هي دي أحلامي اللي أنا حاسة إني أقد أحققها بتوفيق الله

موضوع حلو اوى يا ساره كعادتك
انا حلمى ان عز الاسلام والمسلمين يرجع زى زمان
وان المسجد الاقصى يتحرر
وانى اتم حفظ القران السنه دى عن ظهر قلب
وان ربنا يوفقنى السنه اللى جايه دى وتعدى على خير
واجيب مجموع
وانى ادخل كليه حلوه اقدر بيها اخدم بلدى ودينى

بادئ ذى بدء
احب أحييك يا سارة على الموضوع
بجد فكرته جميلة جدا ناهيك عن ما رسمتِه من حروف

أما بالنسبة للأحلام فهى الواقع ولا فرق بينهما باستثناء كلمة من ثلاثة حروف وهى (ع ... م ... ل) فالعمل الجاد يحقق ما نظن أنه مستحيل.

فلا يجب أن نتكل على الأحلام بل أن نحولها إلى واقع ملموس
ولا أقلل من قيمة الأحلام فلقد قيل شباب بلا أحلام ... كربيع بلا زهور
ولكن لا تنفع الأحلام مالم يرافقها العمل

عل كلٍ
لو حبيت أتكلم عن حلمى
فهو مش حلم واحد
بل أحلام كتيييييييييييييييرة جدا يمكن مقدرش أعدها
لكن لو حبيت أذكر بعضها
فهى على جوانب ثلاثة
اولا: الجانب الدينى
بحلم احفظ القرآن عن ظهر قلب ، وحاول بقدر الإمكان اطبق اوامره ونواهيه.
بحلم ان كتيييييييير يأسلموا على ايدى
بحلم انى أكون ممن يحرر الأقصى ، وأن يرزقنى الله صلاة فيه وشهادة على أعتابه.
ثانيا: الجانب الحياتى
بحلم اكون إنسان قبل كل شئ يحمل معانى الانسانية
بحلم أتزوج من امرأة تتحقق فيها مواصفاتى
بحلم اكون بيت مسلم صح بمعنى الكلمة
بحلم انى أساعد الناس وادخل عليهم السعادة والسرور
بحلم ان يعود لمصر عزها وان تصير من أفضل الدول على الأقل
ثالثا الجانب المهنى
بحلم أكون شخص متميز جدا فى عملى وأن تكون لى بصماتى فى مجالى
بحلم أكون دايما متجدد وليس تقليدى ومقلد
بحلم أحقق شئ ذا قيمة لبلدى

مش عارف اقول ايه كمااااااااااااااااان

جزاكى الله خيرا
حلمى اولا ان يرزقنى الله حسن الخاتمة وا لفردوس الاعلى من الجنة باذن الله
وان يرزقنى الصدق والاخلاص والتوفيق والقبول فى كل قول وعمل وان اكون بارة بوالدى مطيعة لهما فيما يرضى ربى
والتفوق باعلى الدرجااااااااااااااااااااااااااااااااااااااااااااااااااااااااااااااااااااااااات
اللهم آميــــــــــــــــــــــــــــــــــــــــــــــــــــــــــــــــــــــــــــــــــــــن